నటుడు విజయ్ దేవరకొండతో తన సంబంధం మరియు వివాహ ముచ్చట్లపై సోషల్ మీడియాలో జరుగుతున్న విమర్శలపై నటి రష్మిక మందన్న స్పందించారు. టాక్ షో కాఫీ విత్ కరణ్ సీజన్ 9లో విజయ్ 100 సార్లు అడగమని చెప్పడంతో, తాను ఏడాది పాటు పెళ్లి గురించి అడుగుతూనే ఉన్నానని రష్మిక వ్యాఖ్యానించారు. ఈ వ్యాఖ్యలపై సోషల్ మీడియాలో భిన్నాభిప్రాయాలు వ్యక్తమవడంతో పాటు విమర్శలు రావడంతో ఆమె ఒక సుదీర్ఘమైన నోట్‌ను విడుదల చేశారు.
అర్థం చేసుకునేందుకే సమయం తీసుకున్నామని వివరణ
సాధారణంగా ఆన్‌లైన్ వ్యాఖ్యలపై స్పందించనప్పటికీ, ఈసారి నెటిజన్ల ప్రతిస్పందనలు హద్దులు దాటాయని రష్మిక పేర్కొన్నారు. తమ సంభాషణలో ప్రధాన అంశాన్ని ప్రజలు తప్పుగా అర్థం చేసుకున్నారని ఆమె వివరించారు. పెళ్లికి ముందు ఇద్దరినీ ఒకరినొకరు సరిగ్గా అర్థం చేసుకోవడానికి, భవిష్యత్తుపై స్పష్టత తెచ్చుకోవడానికి విజయ్ సమయం తీసుకోవాలని భావించారని, అందుకే ఆ నిర్ణయం తీసుకున్నామని స్పష్టం చేశారు.
తాను భావోద్వేగాలకు ప్రాధాన్యత ఇస్తే, విజయ్ ప్రాక్టికల్‌గా ఆలోచించే వ్యక్తి అని రష్మిక తెలిపారు. వివాహం అనేది కేవలం రింగులు మార్చుకోవడం లేదా గ్రాండ్ ప్రపోజల్ మాత్రమే కాదని, కలిసి ఒక మంచి భవిష్యత్తును నిర్మించుకోవడమేనని ఆమె అభిప్రాయపడ్డారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.