మన పత్రిక: బిగ్ బాస్ తెలుగు 10వ సీజన్ ఐదో వారం ముగిసేసరికి రసవత్తరంగా మారింది. వారాంతపు ఎపిసోడ్‌లో ఒకేసారి ఐదుగురు వైల్డ్ కార్డ్ కంటెస్టెంట్లు ఇంట్లోకి ప్రవేశించగా, ఇద్దరు కంటెస్టెంట్లు ఎలిమినేట్ అయ్యారు.
ఈ వారం కొత్తగా ఇంట్లోకి అడుగుపెట్టిన వైల్డ్ కార్డ్ కంటెస్టెంట్లలో శివ కుమార్, నీతు నటరాజ్, దక్ష గుత్తికొండ, శ్వేతా నాయుడు మరియు నవరసాలు రామకృష్ణ ఉన్నారు. నటి ప్రియాంక జైన్ భాగస్వామిగా గుర్తింపు పొందిన శివ కుమార్ బైక్‌పై గ్రాండ్‌గా ఎంట్రీ ఇచ్చారు. శ్రీకాకుళానికి చెందిన సామాన్యుడు నవరసాలు రామకృష్ణకు ఇంట్లోని సభ్యులు ఘనస్వాగతం పలికారు. నాగార్జున అందించిన బ్యాడ్జ్‌లను రామకృష్ణ నరేష్, రోహిత్‌లకు ఇచ్చి వారిని ఎలిమినేషన్ నుండి రక్షించారు.
డబుల్ ఎలిమినేషన్ వివరాలు
మరొకవైపు ఈ వారాంతపు ఎపిసోడ్‌లో డబుల్ ఎలిమినేషన్ జరిగింది. ప్రేక్షకుల ఓటింగ్ ఆధారంగా మొదట అపూర్వ ఇంటి నుంచి నిష్క్రమించారు. ఆ తర్వాత ఎలిమినేషన్ ప్రక్రియలో శాలిని, చరణ్ మిగలగా, ఎవరిని ఇంట్లో ఉంచాలో నిర్ణయించేందుకు నాగార్జున హౌస్‌మేట్స్‌కు ఓటింగ్ నిర్వహించారు. మొత్తం 11 ఓట్లలో శాలినికి 10 ఓట్లు రాగా, చరణ్‌కు కేవలం ఒక ఓటు మాత్రమే లభించింది. దీంతో చరణ్ కూడా షో నుండి ఎలిమినేట్ అయ్యారు.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.