మన పత్రిక: కథానాయకుడు విజయ్ దేవరకొండ నటించిన కొత్త చిత్రం ‘రణబలి’ షూటింగ్ పూర్తి చేసుకుని, ప్రస్తుతం పోస్ట్ ప్రొడక్షన్ దశకు చేరుకుంది. రాహుల్ సాంకృత్యన్ దర్శకత్వం వహిస్తున్న ఈ పీరియడ్ యాక్షన్ డ్రామాలో రష్మిక మందన్న కథానాయికగా నటిస్తున్నారు. బ్రిటీష్ కాలం నాటి భారతదేశం, మద్రాస్ కరువు ఆధారంగా ఈ సినిమా కథాంశం ఉండనుంది. ప్రచార కార్యక్రమాలపై దృష్టి సారించిన చిత్రబృందం, త్వరలోనే థియేటర్లలోకి తీసుకువచ్చేందుకు సన్నాహాలు చేస్తోంది.
2018లో వచ్చిన ‘గీత గోవిందం’, ‘టాక్సీవాలా’ చిత్రాలతో విజయ్ దేవరకొండ భారీ విజయాలను అందుకున్నారు. ఆ తర్వాత విడుదలైన ‘డియర్ కామ్రేడ్’, ‘వరల్డ్ ఫేమస్ లవర్’, ‘లైగర్’, ‘ఖుషి’, ‘ది ఫ్యామిలీ స్టార్’, ‘కింగ్‌డమ్’ చిత్రాలు థియేటర్ల వద్ద ఆశించిన స్థాయిలో రాణించలేకపోయాయి. ఈ నేపథ్యంలో రాబోతున్న ‘రణబలి’ సినిమాతో ఆయన మళ్లీ బాక్సాఫీస్ వద్ద విజయాన్ని సాధిస్తారా లేదా అన్నది సినీ వర్గాల్లో ఆసక్తికరంగా మారింది.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.