మన పత్రిక: దర్శకుడు లోకేష్ కనగరాజ్ సారథ్యంలో అల్లు అర్జున్ కథానాయకుడిగా రానున్న కొత్త చిత్రం ‘AA23’ గురించి చిత్ర పరిశ్రమలో ఆసక్తికర ప్రచారం సాగుతోంది. ఈ సినిమాలో అల్లు అర్జున్ మూడు విభిన్న పాత్రల్లో కనిపించనున్నారని సమాచారం. ఈ మూడు పాత్రల్లో ఒకటి పోలీస్ ఆఫీసర్ పాత్ర అని ప్రచారం జరుగుతోంది. అయితే ఈ వివరాలపై చిత్ర బృందం నుంచి ఎలాంటి అధికారిక ప్రకటన వెలువడలేదు.
మైత్రీ మూవీ మేకర్స్ నిర్మిస్తున్న ఈ భారీ పాన్ ఇండియా ప్రాజెక్టుకు అనిరుధ్ రవిచందర్ సంగీతాన్ని అందించనున్నారు. ఈ సినిమా చిత్రీకరణను 2026లో హైదరాబాద్లో ప్రారంభించేందుకు సన్నాహాలు చేస్తున్నారు. ప్రస్తుతం అల్లు అర్జున్ దర్శకుడు అట్లీతో కలిసి ‘రాకా’ అనే సినిమాలో నటిస్తున్నారు. ఈ ప్రాజెక్టు పూర్తయిన తర్వాతే ఆయన లోకేష్ కనగరాజ్ సినిమా చిత్రీకరణలో పాల్గొనే అవకాశం ఉంది. సినిమా అధికారిక ప్రారంభోత్సవం తర్వాతే అల్లు అర్జున్ పోషించే పాత్రలు, కథాంశానికి సంబంధించిన మరిన్ని వివరాలు వెల్లడయ్యే అవకాశం ఉంది.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.