మన పత్రిక: అల్లు అర్జున్, దర్శకుడు అట్లీ కాంబినేషన్లో రూపుదిద్దుకుంటున్న ‘రాకా’ సినిమా నుంచి మేకర్స్ ఒక ప్రత్యేక పోస్టర్ను విడుదల చేశారు. ఈ పోస్టర్లో కేవలం “37” అనే నంబర్ను మాత్రమే చూపిస్తూ, త్వరలోనే ఒక పెద్ద అప్డేట్ రాబోతోందనే సంకేతాన్ని ఇచ్చారు.
ఈ పోస్టర్ చూసిన అభిమానులు సామాజిక మాధ్యమాల్లో పలు రకాల అంచనాలను వేస్తున్నారు. సెప్టెంబర్ 21న దర్శకుడు అట్లీ పుట్టినరోజు కావడం, 3ను 7తో గుణిస్తే 21 వస్తుండటంతో ఆ రోజే కీలక ప్రకటన వచ్చే అవకాశం ఉందని కొందరు భావిస్తున్నారు. అయితే దీనిపై చిత్ర బృందం ఎలాంటి అధికారిక ప్రకటన చేయలేదు. ఇక ఈ సినిమాకు సంబంధించిన మొదటి గ్లింప్స్ను డిసెంబర్లో విడుదల చేసేందుకు మేకర్స్ సిద్ధమవుతున్నారు.
సన్ పిక్చర్స్ పతాకంపై ఎంతో ప్రతిష్టాత్మకంగా నిర్మిస్తున్న ఈ చిత్రంలో కథానాయికగా దీపికా పదుకొణె నటిస్తున్నట్లు అధికారికంగా ప్రకటించారు. అల్లు అర్జున్, అట్లీ కాంబినేషన్లో వస్తున్న తొలి సినిమా కావడంతో ఈ ప్రాజెక్ట్పై అభిమానుల్లో భారీ అంచనాలు నెలకొన్నాయి.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.