మన పత్రిక: బిగ్ బాస్ తెలుగు 10వ రోజు ఎపిసోడ్ వినాయక చవితి వేడుకలు, కెప్టెన్సీ టాస్క్ మరియు మునుపటి ఎలిమినేషన్లపై కీలక ప్రకటనతో సాగింది. ప్రారంభంలో ఇంట్లో సభ్యులు అంతకుముందు రోజు జరిగిన నామినేషన్ల గురించి చర్చించుకున్నారు. ఆ తర్వాత ముకేష్ గౌడ, వర్షిణితో కలిసి స్విమ్మింగ్ పూల్లోకి వెళ్లగా, దేబ్జాని మోదక్ సరదాగా వ్యాఖ్యానించడంతో ఇంట్లో కాసేపు నవ్వులు పూశాయి.
పండుగ సందర్భాన్ని పురస్కరించుకుని బిగ్ బాస్ నిర్వాహకులు పూజా సామాగ్రిని అందించడంతో పోటీదారులంతా కలిసి వినాయక చవితి వేడుకలను నిర్వహించారు.
కెప్టెన్సీ టాస్క్ పోటీ
అనంతరం బిగ్ బాస్ కెప్టెన్సీ పోటీని ప్రారంభించారు. త్రిగుణ్, దేబ్జాని, అమన్, షాలిని, ముకేష్, రోహిత్, ఝాన్సీ మరియు రాంప్రసాద్ ఈ అవకాశానికి పోటీ పడ్డారు. బెలూన్ టాస్క్లో భాగంగా పోటీదారులు ఇచ్చిన పదాలకు సరైన స్పెల్లింగ్ చెప్పాల్సి వచ్చింది. సరిగ్గా సమాధానం చెప్పిన వారు, కారణం తెలిపి మరొక పోటీదారు బెలూన్ను పగలగొట్టే అవకాశం పొందారు.
ఈ పోటీలో త్రిగుణ్ ముందుగా నిష్క్రమించగా, ఆ తర్వాత రోహిత్, రాంప్రసాద్, దేబ్జాని, షాలిని మరియు ముకేష్ వరుసగా రేసు నుంచి తప్పుకున్నారు. చివరికి ఝాన్సీ, అమన్ మాత్రమే పోటీలో నిలిచారు. వీరిద్దరి మధ్య కెప్టెన్సీ సమరం తదుపరి ఎపిసోడ్లో కొనసాగనుంది.
రీఎంట్రీ ఓటింగ్ ట్విస్ట్
గత వారం హౌస్ నుంచి ఎలిమినేట్ అయిన చైత్ర, చరణ్లలో ఒకరికి తిరిగి బిగ్ బాస్ ఇంట్లోకి వచ్చే అవకాశం కల్పిస్తున్నట్లు ప్రకటించారు. వీరిద్దరిలో ఒకరిని రీఎంట్రీ కోసం ఎంచుకునే వెసులుబాటును ప్రేక్షకులకు అందించారు. ప్రేక్షకుల నుంచి ఎక్కువ ఓట్లు సాధించిన పోటీదారు మళ్లీ షోలోకి అడుగుపెడతారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.