మన పత్రిక: నితేష్ తివారీ దర్శకత్వంలో రూపుదిద్దుకుంటున్న పౌరాణిక చిత్రం ‘రామాయణ’ నుంచి ముఖ్యమైన అప్డేట్ వచ్చింది. ఈ సినిమాలో శ్రీరాముడిగా నటిస్తున్న రణ్బీర్ కపూర్, సీతాదేవిగా కనిపిస్తున్న సాయిపల్లవిల ‘సియా-రామ్’ ఫస్ట్ లుక్ పోస్టర్ను చిత్రబృందం విడుదల చేసింది. వినాయక చవితి పండుగ సందర్భంగా ఈ పోస్టర్ను ప్రేక్షకుల ముందుకు తీసుకొచ్చారు.
ఈ ఫస్ట్ లుక్ పోస్టర్తో పాటు ‘జై జై రామ్’ అనే పాటతో సంగీత ప్రచారాన్ని కూడా ప్రారంభించారు. ఏఆర్ రెహమాన్ స్వరపరిచిన ఈ పాటను అరిజిత్ సింగ్, శ్రేయా ఘోషాల్ ఆలపించారు. రెండు భాగాలుగా తెరకెక్కుతున్న ఈ భారీ చిత్రంలో రావణాసురుడిగా యష్, హనుమంతుడిగా సన్నీ డియోల్ నటిస్తున్నారు.
విజువల్ ఎఫెక్ట్స్కు ప్రాధాన్యం ఇస్తూ ముందస్తు ప్రణాళికతో ఈ చిత్రాన్ని నిర్మిస్తున్నారు. కాగా, ‘రామాయణ: పార్ట్ 1’ చిత్రాన్ని 2026 దీపావళి కానుకగా థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.