మన పత్రిక: దుల్కర్ సల్మాన్ కథానాయకుడిగా నటిస్తూ నిర్మించిన కొత్త చిత్రం ‘ఐ యామ్ గేమ్’ తెలుగు వర్షన్ విడుదల ఆఖరి నిమిషంలో వాయిదా పడింది. నహాస్ హిదాయత్ దర్శకత్వంలో రూపుదిద్దుకున్న ఈ సినిమాలో ఆంటోనీ వర్గీస్, మిస్కిన్, కయాదు లోహర్ కీలక పాత్రలు పోషించారు. ఈ చిత్రాన్ని సెప్టెంబర్ 3న తెలుగు ప్రేక్షకుల ముందుకు తీసుకురావాలని భావించినప్పటికీ, నిర్ణీత షెడ్యూల్ ప్రకారం విడుదల కాలేదు.
తెలుగు విడుదల నిలిచిపోవడంతో చిత్ర నిర్మాణ సంస్థ ఒక అధికారిక ప్రకటన విడుదల చేసింది. సాంకేతిక కారణాల వల్లే తెలుగు వర్షన్ విడుదలను వాయిదా వేయాల్సి వచ్చిందని నిర్మాతలు స్పష్టం చేశారు. ఈ చిత్రం మలయాళ వర్షన్ ఇప్పటికే థియేటర్లలోకి వచ్చిందని, తెలుగు ప్రేక్షకులు ఎదుర్కొన్న అసౌకర్యానికి క్షమాపణలు చెబుతున్నామని వారు తెలిపారు. త్వరలోనే కొత్త విడుదల తేదీని ప్రకటిస్తామని వెల్లడించారు.
కామెడీ, రొమాన్స్, మిస్టరీ, సస్పెన్స్, యాక్షన్, థ్రిల్లర్ అంశాలతో పాటు గేమింగ్ నేపథ్యంలో ఈ సినిమాను రూపొందించారు. దుల్కర్ సల్మాన్ స్వయంగా నిర్మించడంతో ఈ ప్రాజెక్ట్పై ఆసక్తి నెలకొంది. ప్రస్తుతం మలయాళంలో ప్రదర్శితమవుతున్న ఈ చిత్రం తెలుగులో ఎప్పుడు విడుదలవుతుందో తెలుసుకునేందుకు అభిమానులు వేచి చూస్తున్నారు.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.