మన పత్రిక: ‘బలగం’ చిత్రంతో గుర్తింపు పొందిన దర్శకుడు వేణు యెల్దండి తెరకెక్కిస్తున్న తదుపరి తెలుగు సినిమా ‘ఎల్లమ్మ’లో యువ నటి అనంతిక సంజిల్ కుమార్ ఒక ముఖ్యమైన పాత్రకు పరిశీలనలో ఉన్నట్లు సమాచారం. ఇటీవల తన నటనతో తెలుగు చిత్ర పరిశ్రమలో దృష్టిని ఆకర్షించిన ఈ నటి, ఈ ప్రాజెక్ట్లో భాగమయ్యే అవకాశం ఉందని వార్తలు వస్తున్నాయి.
ఈ సినిమా కోసం అనంతిక ఇటీవల జరిగిన ఒక టెస్ట్ షూట్లో కూడా పాల్గొన్నట్లు పరిశ్రమ వర్గాలు పేర్కొంటున్నాయి. ఈ టెస్ట్ షూట్లో ఆమె స్క్రీన్ ప్రెజెన్స్ పాత్ర అవసరాలకు సరిగ్గా సరిపోయిందని, దీంతో మేకర్స్ సంతృప్తి వ్యక్తం చేశారని తెలుస్తోంది. అయితే నటీనటుల ఎంపిక ప్రక్రియ ఇంకా కొనసాగుతోందని సమాచారం.
ప్రస్తుతానికి అనంతిక పేరు గట్టిగా వినిపిస్తున్నప్పటికీ, నిర్మాణ సంస్థ నుంచి ఎలాంటి అధికారిక ప్రకటన వెలువడలేదు. కొన్ని ప్రక్రియలు పూర్తి కావాల్సి ఉన్నందున, పాత్ర ఎంపికపై చిత్ర బృందం త్వరలోనే తుది నిర్ణయం తీసుకోనుందని వార్తలు వస్తున్నాయి.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.