మన పత్రిక: ప్రముఖ నటుడు జూనియర్ ఎన్టీఆర్ చిత్ర పరిశ్రమలో స్వంత నిర్మాణ సంస్థను ప్రారంభించేందుకు సన్నాహాలు చేస్తున్నట్లు వార్తలు వస్తున్నాయి. ‘ఎన్టీఆర్టైన్’ (NTRTAIN) పేరుతో ఈ బ్యానర్ను తీసుకురానున్నట్లు తెలుస్తోంది. ‘ఎన్టీఆర్’, ‘ఎంటర్టైన్మెంట్’ అనే పదాల కలయికతో ఈ పేరును ఎంచుకున్నట్లు సమాచారం. అయితే ఈ విషయమై జూనియర్ ఎన్టీఆర్ లేదా ఆయన ప్రతినిధుల నుంచి ఎలాంటి అధికారిక ప్రకటన వెలువడలేదు.
తాజా సమాచారం ప్రకారం, ఈ కొత్త నిర్మాణ సంస్థ బాధ్యతలను జూనియర్ ఎన్టీఆర్ భార్య లక్ష్మీ ప్రణతి పర్యవేక్షించే అవకాశం ఉంది. ప్రస్తుతం ప్రశాంత్ నీల్ దర్శకత్వంలో వస్తున్న ‘డ్రాగన్’ చిత్రంతో పాటు పలు భారీ ప్రాజెక్టులతో ఎన్టీఆర్ బిజీగా ఉన్నారు. ఈ తరుణంలో స్వంత బ్యానర్ ఏర్పాటు వార్తలు రావడం అభిమానుల్లో ఆసక్తిని రేకెత్తిస్తోంది.
ఈ బ్యానర్ నిర్మాణంలో రాబోయే మొదటి చిత్రం ఏమిటి, అందులో ఎన్టీఆర్ నటిస్తారా లేదా ఇతర నటీనటులతో నిర్మిస్తారా అనే అంశాలపై అధికారిక సమాచారం రావాల్సి ఉంది. ఎన్టీఆర్టైన్ బ్యానర్కు సంబంధించి ఆయన బృందం నుంచి స్పష్టత వస్తేనే పూర్తి వివరాలు వెల్లడవుతాయి.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.