ముదుమాల్ నిలువురాళ్ల పార్కు అభివృద్ధి పనులకు శంకుస్థాపన చేసిన మంత్రి

మన పత్రిక, హైదరాబాద్: తెలంగాణలోని ప్రముఖ చారిత్రక ప్రదేశమైన ముదుమాల్ నిలువురాళ్ల పార్కు అభివృద్ధి పనులకు క్రీడా శాఖ మంత్రి వాకిటి శ్రీహరి శంకుస్థాపన చేశారు. ఈ కొత్త పార్కు అందుబాటులోకి రావడం వల్ల పర్యాటకుల సంఖ్య పెరుగుతుందని, దీని ద్వారా స్థానిక యువతకు ఉపాధి అవకాశాలు లభిస్తాయని మంత్రి తెలిపారు.

ఈ కార్యక్రమంలో పాల్గొన్న డెక్కన్ హెరిటేజ్ అకాడమీ ట్రస్ట్ ఛైర్మన్ వేద్ కుమార్ మాట్లాడుతూ, ముదుమాల్ నిలువురాళ్లకు శాశ్వత ప్రాతిపదికన యునెస్కో (UNESCO) గుర్తింపు లభించేలా ప్రభుత్వం చర్యలు వేగవంతం చేయాలని కోరారు. యునెస్కో తాత్కాలిక ప్రపంచ వారసత్వ ప్రదేశాల జాబితాలో ముదుమాల్ నిలువురాళ్లకు చోటు దక్కడం తెలంగాణకు గర్వకారణమని ఆయన పేర్కొన్నారు.

ఈ ప్రాంతం విశిష్టతపై అవగాహన పెంచేందుకు జిల్లాలోని 400 పాఠశాలల ప్రధానోపాధ్యాయులకు శిక్షణ ఇవ్వాలని, దాదాపు 60,000 మంది విద్యార్థులతో ఈ ప్రదేశాన్ని సందర్శింపజేయాలని వేద్ కుమార్ ప్రతిపాదించారు. పర్యాటకులకు స్థానిక చారిత్రక ప్రాధాన్యతను వివరించేందుకు 20 మంది గైడ్లను నియమించాలని, అలాగే సమగ్ర పర్యాటక మ్యాప్‌ను సిద్ధం చేయాలని ఆయన సూచించారు.

Mana Patrika Desk

Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.