మహేష్ బాబు వారణాసి సినిమా టైటిల్ వివాదం పరిష్కారం

మన పత్రిక: సూపర్ స్టార్ Mahesh Babu, దర్శకుడు ఎస్.ఎస్. రాజమౌళి కాంబినేషన్ లో తెరకెక్కుతున్న వారణాసి సినిమా టైటిల్ వివాదం అధికారికంగా ముగిసింది. ఈ శీర్షికను ముందే రిజిస్టర్ చేసుకున్న నిర్మాత సుబ్బా రెడ్డి, తన వద్ద ఉన్న హక్కులను ఉచితంగానే ఈ చిత్ర నిర్మాతలకు అప్పగించారు. హైదరాబాద్ లో తెలుగు సినీ ప్రముఖుల సమక్షంలో ఆయన వారణాసి టైటిల్ పత్రాలను నిర్మాత కే.ఎల్. నారాయణకు అందజేశారు.

ఈ టైటిల్ హక్కులు చట్టబద్ధంగా తన వద్దే ఉన్నప్పటికీ, మహేష్ బాబు సినిమాకు దానిని ఇవ్వడం గౌరవంగా భావిస్తున్నానని సుబ్బా రెడ్డి తెలిపారు. దీనికోసం తాను ఎలాంటి పరిహారం ఆశించలేదని ఆయన వెల్లడించారు. ఈ నిర్ణయంతో వారణాసి చిత్ర బృందానికి టైటిల్ కు సంబంధించిన అడ్డంకులు తొలగిపోయాయి.

స్ప్రిట్ టైటిల్ వివాదం ఇంకా పెండింగ్

మరోవైపు ప్రభాస్ కథానాయకుడిగా నటిస్తున్న స్ప్రిట్ సినిమా టైటిల్ సమస్య ఇంకా పరిష్కారం కాలేదు. ఇదే పేరుతో ముందే ఒక చిన్న తెలుగు సినిమా నిర్మాణం పూర్తి చేసుకుంది. తమకు చట్టపరమైన నోటీసులు వచ్చాయని ఆ చిత్ర నిర్మాతలు తెలిపారు. ఈ శీర్షికపై తమ హక్కులను కాపాడుకునేందుకు ప్రయత్నిస్తున్నామని వారు పేర్కొన్నారు. ఈ వివాదంపై స్ప్రిట్ చిత్ర యూనిట్ నుంచి ఇప్పటివరకు ఎలాంటి అధికారిక ప్రకటన రాలేదు.

Mana Patrika Desk

Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.