మన పత్రిక: అల్లరి నరేష్ ప్రధాన పాత్రలో నటిస్తున్న ఫాంటసీ ఎంటర్టైనర్ రంభ ఊర్వశి మేనక చిత్రం నుండి తాజాగా మొదటి పాటను చిత్ర బృందం విడుదల చేసింది. ‘నా కంటి మీద కునుకే’ పేరుతో విడుదలైన ఈ పాట ద్వారా సినిమా ప్రమోషన్లను ప్రారంభించారు. చంద్ర మోహన్ చింతాడ దర్శకత్వం వహిస్తున్న ఈ చిత్రానికి చైతన్ భరద్వాజ్ సంగీతం అందించారు.
ఈ పాట గ్రామీణ నేపథ్యంలో సాగే అందమైన మెలోడీగా రూపొందింది. ఇందులో అల్లరి నరేష్, సురభి మధ్య సాగే రొమాంటిక్ సన్నివేశాలను చిత్రీకరించారు. భాస్కరభట్ల రవికుమార్ సాహిత్యం అందించగా, ధనుంజయ సీపాన ఆలపించారు. జిత్తు మాస్టర్ కొరియోగ్రఫీలో తెరకెక్కిన ఈ పాట విజువల్స్ పరంగా కూడా ప్రేక్షకులను ఆకట్టుకుంటోంది. రాజేష్ దండా, నిమ్మకాయల ప్రసాద్ నిర్మిస్తున్న ఈ సినిమా సెప్టెంబర్ 4న థియేటర్లలో విడుదల కానుంది.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.