మన పత్రిక, లండన్: ఇంగ్లాండ్ అండ్ వేల్స్ క్రికెట్ బోర్డు (England and Wales Cricket Board) జాతీయ జట్టు ఆటగాళ్ల ప్రవర్తన మరియు మద్యపానంపై కఠినమైన కొత్త మార్గదర్శకాలను జారీ చేసింది. మ్యాచ్ ప్రారంభానికి ముందు రోజు నుంచి మ్యాచ్ ముగిసిన మరుసటి రోజు వరకు ఆటగాళ్లు మద్యం సేవించకూడదని బోర్డు స్పష్టం చేసింది. స్వదేశీ సిరీస్లు మరియు విదేశీ పర్యటనల సమయంలో ఆటగాళ్లకు రాత్రి వేళల్లో కర్ఫ్యూ నిబంధనలను అమలు చేయనున్నారు. ఆటగాళ్లు బహిరంగ ప్రదేశాల్లో మద్యం మత్తులో కనిపించకూడదని, సోషల్ మీడియాలో మద్యానికి సంబంధించిన పోస్టులు షేర్ చేయకూడదని నిబంధనల్లో పేర్కొన్నారు. రాత్రి 10 గంటల తర్వాత టీమ్ హోటల్ బయట ఉండాల్సి వస్తే, ఆ విషయాన్ని జట్టు మేనేజ్మెంట్ లేదా సెక్యూరిటీ సిబ్బందికి తప్పనిసరిగా తెలియజేయాలని సూచించారు. ప్రత్యేక పరిస్థితుల్లో హెడ్ కోచ్ లేదా డైరెక్టర్ అనుమతితో నిబంధనల్లో సడలింపు లభించే అవకాశం ఉంది.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.