మన పత్రిక, పెద్దదోర్నాల: మద్యం సేవించి వాహనాలు నడిపే వారిపై చట్టప్రకారం కఠిన చర్యలు తీసుకుంటామని ఎస్సై వెంకటరమణయ్య హెచ్చరించారు. రోడ్డు ప్రమాదాల నివారణ మరియు ప్రజల భద్రతను దృష్టిలో ఉంచుకుని పోలీసులు నిరంతరం తనిఖీలు నిర్వహిస్తున్నట్లు ఆయన తెలిపారు. ఇటీవల నిర్వహించిన డ్రంక్ అండ్ డ్రైవ్ (Drunk and Drive) తనిఖీల్లో పట్టుబడిన ఒక వ్యక్తిని కోర్టులో హాజరుపరచగా, న్యాయస్థానం జరిమానా విధించినట్లు ఎస్సై పేర్కొన్నారు.
మద్యం మత్తులో వాహనాలు నడపడం వల్ల తమతో పాటు ఇతరుల ప్రాణాలకు ముప్పు పొంచి ఉంటుందని ఆయన వివరించారు. వాహనదారులు ట్రాఫిక్ నిబంధనలను తప్పనిసరిగా పాటించాలని, మద్యం సేవించిన తర్వాత వాహనాలను నడపవద్దని ఆయన సూచించారు. నిబంధనలు అతిక్రమించే వారిపై కఠినమైన చట్టపరమైన చర్యలు తప్పవని ఎస్సై స్పష్టం చేశారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.